Radio-Televiziya proqramlarının peykdən yayımı DVB-S AzTV televiziya, Respublika radio proqramlarının Türksat 1C 420 peykindən (11607 MHs tezliyində) və alternativ olaraq Avropada keyfiyyətli yayımı üçün Sesat 360 peyki üzərindən (12532 MHs tezliyində) yayımlanması Teleradio İB-yi tərəfindən davam etdirilmişdir. Eyni zamanda İctimai TV və İctimai radio proqramının Türksat peykindən yayımı nəticəsində Naxçıvan MR daxil olmaqla Respublikamızın bütün ərazisində, eləcə də Türkiyə, İran, Zaqafqaziya, Orta Asiya və Yaxın Şərq ölkələrində peyk qəbul edici antenlərindən istifadə etməklə Türksat 1C 420 peykindən -11555 MHs tezliyində, Horizontal polyarizasiyası olmaqla, FEC-5/6, SR-2916 parametrlərində İctimai TV proqramının yüksək keyfiyyətlə qəbul imkanı yaradılmışdır. Bundan başqa AzTV və Respublika radiosu proqramlarının bu ildən yayımı həm Hotbird 130 peykindən, həm də İntelsatın Galaxy 25 peykindən təmin olunmuşdur.
